李嘉欣胞姊李嘉明上月再婚，嫁給身家豐厚的眼鏡大王顧毅勇，兩姊妹同樣嫁富豪。其姊已懷了5個多月的男嬰，嘉欣透露照超聲波看到嬰兒時更激動落淚。月中就40歲生日的她，對43歲家姐有孕，有信心高齡仍有機會懷胎，只是自己「時辰未到」！
李嘉欣嫁給許晉亨成為中建許家媳婦後，其胞姊李嘉明也嫁入豪門，上月底和身家估計10億的眼鏡大王、上市公司新興光學主席顧毅勇結婚，43歲的李嘉明更是奉子成婚，已懷有五個多月身孕。根據兩人在婚姻註冊署登記的資料，原來李嘉明是離婚再嫁。
「高齡都有機會」
李嘉欣昨日在海港城出席UNICEF活動，和一班小朋友一同慶祝。談到其姊懷孕一事，她直認家姐大肚，自己比家姐更感動，她說：「好興奮呀，有陪佢去檢查，我係全世界第一個見到BB嘅超聲波，我睇到流晒眼淚，用晒人哋盒tissue抹眼淚，生命真係好奇妙，好感人！」
問到嘉欣如果懷孕，豈非更激動？她說：「可能同結婚嘅差不多，身邊參加嘅人反而更激動。」至於想不想快點生？嘉欣說：「冇乜特別渴求，等上天安排啦。」問她不怕高齡嗎？她說：「高齡都有機會，低齡都有可能冇，唔好將數字框喺別人身上。」她又透露家姐懷了男嬰，由於舉家恨女，所以十分失望。
否認介紹金龜
提到有指李嘉欣肥水不流別人田，通過許晉亨介紹金龜給家姐，她肉緊地話：「揑造！我先生唔識佢先生，我亦冇介紹任何人畀佢識，咁美好嘅姻緣被標籤化，我唔需要介紹，因為家姐一向桃花旺。」
嘉欣之前透露想借肚生B，問到進展如何，她說：「我之前有講，都冇乜嘢，成日講生BB好悶，都未出現呢個人，時辰未到呀。我生活好精采，仲有事業o架。」更指自己仍在揀劇本拍片。
採訪：顏英儀 攝影：黃偉雄
