股海缺乏氣氛，昨日港股整天走勢僅百零點上落，最後跌1點收報19765點，成交則比上日大跌34%至只得475億元，創近三個月新低。統計顯示，過往每逢世界盃舉行年份，比賽期間股市表現都係麻麻。股海市況趨靜，繼5月份出現「五窮」後，今個月「六絕」唔通無走雞？
華懋慈善基金獲判勝訴，成功取得龔如心遺產管理權後，可謂動作多多，新近就斥資1億元入股北海集團（701），認購北海3.147億股新股，每股作價0.33725元，成為第二大股東，持股達16.7%。
消息曝光後，北海曾急升至0.51元，之後有回吐，昨跌1%，報0.42元，現價可跟進，事關北海旗下製漆業務，應可與華懋地產業務起互利效應。另要留意，華懋年內連番買幾隻細價股，以股權比例計算卻要數北海為最高（超過16%），其餘如中聯能源（346）、香港資源（2882）等都唔夠10%股權，咁如果有乜憧憬，係咪會先投射落北海身上先呢？
方星俠