呂珊噚日喺土瓜灣綵排後日喺紅館舉行嘅演唱會，講過會性感上陣嘅佢話已經揀好衫，連設計師都估唔到佢咁open，最激一套衫會露前露後，由於要跳住舞，連佢自己都話好驚，但最緊要唔好走光同露點。為咗keep住靚靚身材，呂珊已經食咗一個月齋。有場辣舞佢要爬上男舞蹈員身上，佢仲笑住話未試過同咁多男人有身體接觸。