5﹒16舉行補選變相公投期間，多名高官都以外訪避開，響應煲呔唔投票。當中財爺曾俊華就去咗上海同俄羅斯等地，佢噚日喺網誌度，大晒外訪期間豪飲豪食情況，猛咁講Lafite紅酒點醇、超巨型帶子有幾正，連一樣冇得投票嘅同行人員都有份食，呢啲又算唔算係獎勵呢。
做壞榜樣唔盡公民責任嘅曾俊華話，以佢為首嘅香港經貿代表團訪問俄羅斯遠東城市海參崴時，一邊傾經貿合作，一邊大擦。成團人係咁飲82年嘅Lafite，食巨型鮮帶子、蜘蛛巨蟹，仲話「香港人一定都愛那裏的海鮮，回來知道香港居民受到有毒帶子困擾，就對海參崴那頓盛宴更懷念了。」