有時睇開高清台旅遊節目，見到成群海洋生物喺隔籬游來游去，若然配埋部巨型電視，效果仲正！但咪以為製作一套水底奇兵高清片要花好多錢，其實一人公司已經做到！喺6月份Sanyo會推出旗下Xacti系列最新型號DMX-CA100，呢支「手槍」今次唔再係防水滴咁簡單，你直頭可潛入最多3米水深嘅環境，並進行38-190mm焦距，即6倍光學變焦嘅全高清攝製！據講連續攝錄60分鐘都唔成問題，如諗住近近哋去西貢潛水，又或者一家大細到沙灘玩水嘅話，呢部機就非常啱使。
http://jp.sanyo.com/news/2010/05/28-1.html