靚豪宅好難跌
「摩王」黎汝遠
「樓市會兩極化，地區差嘅中小型住宅，跌價兩至三成都唔出奇。不過，優質豪宅全部喺有錢人手，好難跌，年底樓價更加可以睇升一成。」
準備10億掃貨
紀惠集團行政總裁湯文亮
「家樓市嘅最大隱憂，係一手樓劈價促銷，不過相信出現嘅機會亦好微，因為發展商負債比率低，土地供應亦始終唔多。好似天匯咁，就算賣唔到，四叔都情願擺喺度，都唔會減價……我仲準備用10億掃貨。」
年底有小陽春
科達地產主席湯君明
「我都想個市冧，唔係點入貨。不過，跌價嘅只係中小型樓，商舖、豪宅同寫字樓不跌反升，有錢想入貨都難。正如李嘉誠所講，通脹好快到，家利息超低，樓價一定升，我保證年底一定會出現小陽春，想買樓要快。家樓市啲所謂調整，只係政府『搞搞震』，唔係真正跌市。」
