邊個唔知keep住做運動可以越來越fit？但我哋有個最大天敵，就係懶，於是，朋友就醒我一個循序漸進嘅掌上壓減肥方法：OneHundredPushups。首先每人要做掌上壓測試，若只做到5下，就歸入第1組，6-10下屬第2組，多過20下就屬第3組。然後依照每組的漸進方式進行訓練，每星期做3日，隔日做，例如第1組經過第1周訓練後，一日可做最少22下掌上壓，第2周可做最少30下，中間還可休息至少1分鐘。
完成6周訓練後，你會發現自己絕有可能一次過連續做100下掌上壓。其實我哋減肥多只求速度同成效，反而忽略「堅持」嘅重要，我現在已經到第4周，真係可以一次過做到三十幾下掌上壓，就算減唔到好多肥肉，至少肺氣量、肌肉耐力和腹背胸的線條都好過以前啦。
AngelaFatty：天生葫蘆身形，體重最高峯達200磅，曾以不同減肥法減去90磅，累積唔少減肥心得。