由莫鎮賢及林楚麒主演的「莫鎮賢我的80、90、千禧回憶音樂劇場」前晚於尖沙嘴舉行，到場支持的嘉賓有已退出娛圈的小虎隊前成員孫明光，他見記者影相即掩面，另外，莫鎮賢的契姐鄺美雲亦有到場睇騷。
望家強體諒
首演時，莫鎮賢於劇中有講及林楚麒與香港樂隊成員拍拖一事，不過前晚此部份已刪除了。對於黃家強早前斥責林楚麒不要再借黃家駒作宣傳，莫鎮賢對此表示：「楚麒以前係細路女，講嘢口快快，我估佢應該忘記呢件事啦，而且我希望家強可以體諒，本身我都想唱Beyond嘅歌，不過唔敢唱，總之楚麒唔會再回應呢件事。」此外莫鎮賢於劇中看到妹妹的照片時哭起來，更走了入後台。
採訪、攝影：溫敏芝