友賽獨腳戲，慳番！
獨腳戲愛沙尼亞對芬蘭，太好了，可早點睡，迎接明晚歐聯大戰。
閒贏指數：★
大跌眼鏡嗰頭搵番
點解會轉軚，棄最終贏3:2升班嘅黑池，投向卡城？構想預計戰局出錯，不過祖柏上下半場中柱中楣、最具卡士嘅卡城箭頭保夫萊特原來夾硬踢，晨咁早傷出，結果……。輸咗，冇得如果，但呢場算係自己近期最跌眼鏡嘅波，但黑池居然真係能夠升上英超，祝佢哋好運吧，去到最高比賽水平，單靠爛場係唔能夠保住嗰位。睇錯一場波，但今晚一啲都唔灰！因為另一場大戰，早準備充足彈藥再發炮。鎖定國米W，[-1]同死波膽2:0，禮拜四學生隊嗰注2:1都仲過緊落嚟，摩連奴不愧猛料，呢場波，盡復前失，運氣如過山車咯！
閒贏指數：★★★★
禮拜竟冇盤賭波
早講過唔好睇小大摩馬房，可惜我都估唔到佢捧兩盃嘅出擊頭馬，「摩」法幻影我讀書嗰陣時，已領教過唔知幾多次，如今佢老人家仍然玩到淋漓盡致。講吓馬經，因為今日啲波冇乜好講，好耐未試過禮拜日返工成晚冇盤賭波；就算身痕都要等到巴甲波，連續兩日都幾正路，相信爛賭嘅你，都應該收貨啦。
閒贏指數：★★★
二線波仲易博大霧
國際賽＋挪威波，唔少同事包括我，都會覺得挪超幾好賭o架，今日心水同牛兄同路，其中兩場心水中到正，買「大」嘅開「大」，買W嘅開W，賠率又唔太差，點解唔買。學編輯彭sir話齋，二三線波最好博大霧買大波膽，我哋呢個諗法好夾喎。
閒贏指數：★★★
瑞盃挪超撈到亂龍
感冒多日未清，收工終於頂唔住要幫襯醫生，食完藥，頭暈暈，瑞盃挪超撈到亂晒，高掛免戰牌。
閒贏指數：★★
賭垃圾波不如賭馬
未病好都要出席好友打邊爐聚會，之前睇完陣容買日聯盃，結果全開對家；食飯後買國際賽波膽，全差1球，第二朝晨早起身睇NBA，買巴甲串多幾關又全中招，對比呢啲垃圾波，都係買馬好玩啲，「共同努力」啦！
閒贏指數：★★
最後的日記............
本欄世界盃前最後一天日記，寄語大家儲啲彈藥，留番世界盃發炮啦。
閒贏指數：★
上周備忘球隊：夏日二線波，宜小注敲冷。