世界盃已經有80年歷史，對於唔同年代嘅球迷嚟講，都有屬於佢哋嘅世盃回憶，所以以前嘅比賽片段，或者相片，每四年一度再次出番嚟，都受到歡迎，成為珍藏。
日本最近就推出咗一套歷屆世界盃精采片段嘅dvd套裝，由1930年至2006年，全部共有15隻碟，包裝亦非常精美，但價錢唔平，接近要成港幣3,200元；如果唔想買齊咁多屆，亦有散賣裝，每隻約為港幣240元。當然，旁述同字幕都會係日文，本港球迷買之前要考慮呢個因素。至於本地出品嘅世盃dvd亦已經有售，一套只賣百多元，共7隻，以球隊做主線，如荷蘭、巴西、阿根廷、德國等大隊作主導，價錢相當大眾化。
至於仲未攞過世盃嘅西班牙，友賽對弱隊沙地，大勝冇難度。
戰鬥員A
讓球主客和：西班牙勝[-1]
心得：狂牛質素遠勝沙地
近5場往績：WWWWL