歐陽靖（MCJin）成功以Rapper形象打入香港市場，工作量倍增，但他表示不一定為錢而工作，最緊要是得到認同，又立誓做個好老闆，幫助手計劃將來。
麥當勞舉行了一個創作比賽，讓員工用任何方式表達公司的發展理念，最終由員工Waldo的rap歌勝出，日前他拍MV時公司更找來Rapper歐陽靖為他打氣，陪Waldo錄音，MCJin大讚歌詞好好，他笑說：「我唔係好識中文，聽咗一次都明白歌嘅意思，咁即係乜嘢年紀嘅人都啱聽。」
「講錢傷感情」
MCJin以前都曾與麥當勞合作，今次獲邀幫手，他二話不說應承，沒有錢收都做，他說：「唔係成日要講錢，講錢傷感情，而且我覺得今次個比賽理念好好，畀啲員工做嘢有家嘅感覺，仲會幫佢哋諗埋將來。」
MCJin表示獨自在港工作，認識到一班固定的音樂人，可以一齊做音樂，還有他的助手，都已變成屋企人的一部份，MCJin說：「我都要做一個好老闆，幫我助手諗吓將來，我成日都同佢研究我哋嘅將來o架。」
採訪：胡比 攝影：陳慧安