逃出鬼門關的魔術，周三憑一眾外線射手表現出色，全場3分球25投13中，「超人」懷特侯活攻入21分及10籃板，主場以113:92大勝塞爾特人，東岸決賽總場數追近至2:3；綠軍下仗鋒線告急或缺3將，令魔術周五作客波士頓形勢更好。（now670台明日8:30am直播）
「Weallbelieve！」成為了魔術全隊現時的口號。他們在東岸決賽首3仗輸得一敗塗地，最強勁的3分球強項更差勁得僅得28.6%。
13球3分摧毀綠軍
但塞爾特人在關鍵第4仗加時「放虎歸山」後，魔術眾將像如夢初醒般表現復蘇，今仗全隊6名球員共投入13個3分球，命中率高達52%，為此系列賽最佳表現（見附表），使防守強悍的綠軍的外線防守完全摧毀，最終以21分之差大炒綠軍。
NBA季後賽史上曾有93支球隊，在落後0:3劣勢下都未能連勝4仗逆轉晉級，但魔術眾將如今士氣如虹，無懼第6戰作客波士頓之餘，更對創造歷史充滿信心。攻入全隊最高的24分及5次助攻的謝美尼爾遜賽後說：「我們永遠相信自己，知道最終一定能夠創造奇蹟！」「超人」懷特侯活更說：「只要我們努力齊心，任何事都有可能發生！」
柏堅斯下場停賽
綠軍現時的形勢極為嚴峻，因在關鍵的第6戰，隨時缺少內線3大主力柏堅斯、格連戴維斯及華萊士。負責防守懷特侯活的中鋒柏堅斯，今仗因不滿球證判決，最終被球證罰兩次技術犯規離場，並因已累積達7次技犯，按規定需停賽一場、後備前鋒「BigBaby」格連戴維斯則被懷特侯活踭擊受傷離場（見花絮）；而攻入21分的華萊士，更在比賽途中扭傷背部。
3大內線主力同告受傷或停賽，令塞軍下仗更難抵擋懷特侯活。由絕對優勢到現時被對手逼得喘不過氣，綠軍教練李華士賽後亦無奈表示：「我只好期望我們下場會贏吧！」
綜合美國外電
113:92[2:3]
終盤：魔術讓4.5分 上盤
註：[]內為東岸決賽比分、前者主場賠率來源：澳彩
《花絮》
矮仔羅賓遜封高佬攞彩
綠軍今場輸波兼損兵折將，之不過都有激發綠軍球迷嘅場面，就係只得5呎9吋高嘅「入樽王」尼特羅賓遜（圖後），喺第3節末段跳起封走身高達6呎11吋嘅懷特侯活嘅上籃，之後又再封阻6呎10吋嘅路易斯（圖前）都算係為綠軍攞番少少面子！
BigBaby暈陀陀撞球證
格連戴維斯喺第3節剩番約23秒時，被懷特侯活意外踭擊倒地，他及後多次爬起身都搖擺不定，之後更失控衝向老球證哥羅福，估唔到係48歲嘅哥羅福竟然夠力撐住體重達289磅嘅「BigBaby」，真係好力！
朗度上封面唔老利
綠軍控衞朗度今年季後賽打得出色，被稱為綠軍「第4巨頭」，就連美國《體育畫刊》（SportsIllustrated）都搵佢做咗5月尾嘅封面人物，認真巴閉；不過之後朗度就表現失色，球隊亦被追到2:3，真係封面唔易做！
病壞路易斯意志頂住
魔術前鋒路易斯喺東岸決賽表現低迷被外界「狂插」，佢就話自己其實一路都受病毒感染，搞到無晒胃口兼只係靠食流質食物，整到腳軟軟，佢今仗都係靠意志撐住上陣都攻入14分，算係不過不失啦！