期指結算前夕港股反覆向好，多得A股造好帶動，恒指升234點收市。隔晚花旗股市原先做得唔錯，不過尾段借消息回落，如果唔係噚日港股應該可以升多啲。
外圍雖然仍不時有壞消息，但係股市好似已經企穩，噚晚歐美股市都可以睇好啲，如果今日港股結算可以再升兩三百，下禮拜初，有機挑戰20000關。
富力C輪22726：富力（2777）噚日收10.08元，升6.1%。股價早排一直受制10日線，家連20日線都升破，短線有機試11.3元，破位睇12元，可以諗吓隻C輪22726，隻輪現價18.5仙，2011年1月31日到期，行使價10.3元，溢價20.54%，引伸波幅60%，有效槓桿率3.14倍，正股見12元，22726睇30.7仙，正股跌穿9.28元就沽咗隻輪。
俊樺