歐洲債務危機越演越烈，長實（001）主席李嘉誠指出，國際間連繫日趨緊密，即使是小國，一旦出事，亦牽連甚廣。他承認，集團在歐洲有不少零售業務，歐元下跌難免影響盈利，但由於同時在亞洲及其他地區經營業務，相信對整體盈利影響不會太大。
為了挽救金融海嘯，全球央行採取寬鬆貨幣政策，後遺症將是全球通脹。李嘉誠亦認為，金融海嘯仍有很多餘波，風波過後通脹一定會來，「將來通貨膨脹是一定的，若通貨膨脹太過厲害就難搞，如果通脹一般，經濟仍有增長，比較容易做。通縮就係淒涼，通縮時個個都唔好，我嘅看法，經過這個風潮之後，遲點通脹一定會（來）。」
不過，由於各國要為金融海嘯善後，市場有聲音認為通脹之餘，各國經濟增長有機會放緩甚至停步，換言之，不但出現通脹，更甚是有滯脹可能，李嘉誠認為，不需過份悲觀。
中美形勢向好
「世界甚麼事都有可能，但如果憑世界現在兩個最重要嘅國家──中國同埋美國，美國現在嘅情形，都係行向好那一方，今年嘅GDP會有增長嘅，中國更加唔使講，今年我估計8%一定做得到，而美國一般估計，可能去到4%嘅經濟增長。我自己都小心，我更加唔可以叫人大膽，只可以小心，但不需要太過悲觀。」