好姊妹Connie掛住搞結婚，悶死我同Grace及To，決定搞個singleparty，Grace建議去迪迪尼。想熱死人咩，但佢話唔使驚，「可以濕身o架。」佢話迪士尼喺6月11日至8月29日搞「迪士尼老友大召集」，出動歷來最多卡通人物，有幾個活動都會水花四濺，包括喺探險世界迎火會嘅歷奇噴水池，同米奇水花巡遊，米奇同其他卡通都會一邊跳舞一邊玩水，隨時「殃及池魚」，到時一定要提吓啲姊妹，唔好着白色，容乜易無端端益街坊。
活動另一特色係度度都有舞跳，明日世界嘅巴斯光年勁舞派對，會有DJ打碟，酷似鄧梓峰嘅巴斯光年仲會同遊人跳舞（會唔會播LadyGaga呢？）。
與史迪仔共舞
探險世界迎火會，會有土著跳非洲舞，夜晚仲有火把表演。史迪仔會喺美國小鎮大街帶大家跳「626熱舞」（佢嘅fans一定識跳）。
Grace鍾意搵卡通人物影相，佢話今年有首次出嚟影相嘅，包括《超能特工隊》嘅超能先生及太太，（我淨係想同佢老公影。）《阿拉丁》嘅阿拉丁同茉莉公主（我都淨係想同阿拉丁影咋喎）。
迪迪尼今次特別照顧父母，因為火箭餐廳新增咗免費Wi-Fi同iPad試玩，老竇唔使咁悶；至於阿媽就可以去河景餐廳嘅「森林休閒站」飲嘢，仲可以試用~H2O+面部啫喱，同補濕緊膚噴霧㖭。不過，最想知到時米妮會唔會着比堅尼？
電郵：mailto:[email protected]