花旗股市前晚先急挫後反彈，港股噚日乘勢追番210點，恒指報收19196，重上19000關。南北韓局勢冇新進展，但係歐洲嘅債務危機就好似燒到西班牙，睇嚟個市仲會好波動，不過花旗股市前晚咁有勢，噚晚可以睇好啲。
港股今日係期指結算前夕，花旗股市噚晚嘅變化會直接影響今日港股，無論升跌，相信幅度都唔會細。
騰訊C輪18984：騰訊（700）噚日報收148.6元，升4.3%。股價連跌多日之後終於掉頭上升，短線可上試158元，破位睇165元，可以諗吓隻C輪18984，隻輪現價20仙，2010年10月25日到期，行使價138.88元，溢價6.92%，引伸波幅率39.02%，正股見165元，18984有機見32仙，正股跌穿142元就沽咗隻輪。
俊樺