高海寧和張嘉兒等昨日在將軍澳電視廣播城為《萬眾同心公益金》綵排，幾位女士分別被男士高舉抬起，雙腿要用力張開擺甫士，動作驚險，高海寧說：「我會跳中東肚皮舞，一個月前已經開始練習，唔想凸肚腩，所以要食少啲。」高海寧日前被發現跟一名四眼男士同行，高海寧說：「佢係陳倩揚男友，我睇完之後打畀陳倩揚，其實係大家一齊。」
張嘉兒笑金剛扮嘢
張嘉兒緋聞男友金剛前晚錄影遊戲節目時不慎撼頭，表現得十分痛苦，張嘉兒說：「我唔知道，但佢都係一個好玩得嘅人，或者會短訊問候佢。」對於金剛撼頭後痛苦反應激烈，張嘉兒笑說：「佢可能扮嘢呢，佢個人係咁，有時都會誇張搞氣氛，但佢已經有公開女友，會呵番佢，唔使我，總之冇入院應該冇事。」
採訪、攝影：卓寶花