《F組-意大利》
吸引女仔睇世界盃，好多時同一批靚仔球星有直接關係，好似基斯坦奴朗拿度（C朗）同費蘭度托利斯呢類有樣有身形嘅當「弗」星級球員，自然成為唔少女性球迷嘅追捧對象。不過，C朗生性花弗，部份女球迷就唔係好受落，而意大利傳媒最近就向國內女球迷進行調查，選出世盃好男人，結果效力祖雲達斯嘅意大利國腳馬治斯奧，同埋國際米蘭嘅巴西門將施薩索拉斯齊齊當選。馬治斯奧同施薩索拉斯係已婚人士，亦肩負父親角色，兩人都異口同聲表示，妻兒係生命中最重要嘅人，而從佢哋嘅外形同C朗比，的確多一份成熟穩重感，唔怪之得兩個都冧盡意國女球迷。