《H組-西班牙》
唔少球員都有玩社交網站Twitter同埋Facebook嘅習慣，好似係西班牙嘅費蘭度托利斯、沙維同埋卡斯拿斯咁，但佢哋喺世盃決賽周進行期間就要停一停。點解會咁？之唔係西班牙主帥迪保斯基落咗禁玩令囉。西班牙足總嘅發言人話，迪保斯基見之前有球員好似係英格蘭前鋒戴倫賓特同埋巴西中場卡卡咁，因為喺社交網批評球會而搞到滿城風雨，為免旗下班球員出事，同埋可以專心備戰，由6月11號開始，嚴禁任何人喺訓練營或者其他地方玩社交網。西班牙去南非係要爭世盃，況且玩少一個月社交網又唔會死嘅，所以我求大俠都好認同迪保斯基咁做。