《H組-西班牙》
日前全面復操嘅西班牙中場法比加斯，成為咗巴塞隆拿喺今夏嘅收購目標，聽講仲願意出到3,000萬鎊，同阿仙奴買番佢哋呢件青訓產品。但阿仙奴領隊雲格不嬲數口精，佢明知巴塞有錢，仲唔趁機斬到佢哋一頸血咩。之前雲格就話，基斯坦奴朗拿度（C朗）舊年夏天由曼聯過檔皇馬就要成8,000萬鎊（約8.8億港元），法比加斯話晒同C朗同grade，冇可能平過C朗，所以就幫法比加斯標價8,000萬鎊。如果巴塞出得起呢個價，大家仲有得傾，若然出唔到就唔該過主。巴塞收購法比加斯一事仲係未知數，但可以肯定係，佢哋8月8號會喺鳥巢友賽對FC北京。