林家棟及黃又南等前晚到城市大學出席電影《打擂台》的座談會，吸引不少學生捧場，《打》片下月3日上映，近日正密密宣傳，稍後電影會在內地上映，他們希望憑口碑有好票房。
又南透露與家棟拍攝《葉問》時成為好友，所以當家棟構思監製《打》片時，即在凌晨時分找他傾劇本，不過又南自爆因每個角色都是度身訂做，且每日拍足8小時，故拍得十分辛苦，他說：「家棟仲話覺得我冇以前咁好，其實自己嗰排爹哋生意有事，所以好影響我心情，之後諗通咗唔可以當成藉口，狀態都返晒嚟。」
身為電影監製的家棟就希望《打》片在內地上映時可沿用廣東話，片中泰迪羅賓會有粗口對白，他說：「只係得一、兩句，唔係攻擊性，係加強個語調。」
採訪：魯萍
攝影：仇志德