花旗股市早兩日大上大落，港股股民放完假個心都係十五十六，好彩A股生性，大幅反彈超過3%，恒指都升番121點收市。至於粉嶺幅地，成交價一般，不過投地氣氛就好番少少。期指禮拜五結算，大市或者轉橫行。美國帶成200人到北京進行戰略同經濟對話，咁大個代表團，以往嘅經驗會係商業為主，會議嘅成果會偏正面。
平保C輪21432：平保（2318）昨收61.3元，升2.2%。股價呢排喺低位整固，噚日升番上10日線樓上，破65.3元睇68元，可以諗吓隻C輪21432。隻輪現價49.5仙，2010年9月27日到期，行使價64元，溢價12.48%，引伸波幅43.54%，槓桿率12.38倍（有效5.86倍），正股升上68元，21432睇86.1仙，正股跌穿59元就沽咗隻輪。
俊樺