粉嶺地皮由香港小輪（050）投得，其實咪即係恒基系四叔出手！競投反應同上次東涌地皮一樣唔算激烈，相比上次，今鋪亦好快就完事；結果與市場預期差不多，地產股只係跟大市反彈，表現算有交代。
不過，內房股果然爆發報復式反彈，睇個勢應該仲未升完。事關內房股整體累跌幅度唔小，大部份近日在低位陸續打底，只要打壓消息稍歇，即時趁機反攻。雖然內地對消息發放不時模稜兩可，好似發改委稱三年內不開徵房產稅，另一面財政部又走出來話唔代表「官方」！咁邊一個先係官腔？跟消息炒股有時十分頭痕，反而跟勢去炒可能最實際。所謂跟紅頂白，買貨後發覺唔對路就嚴守紀律放手。
傳聞係索羅斯愛股之一的龍湖地產（960），昨乘內房股回勇炒上，股價一度扯高至7.85元，但望見50日線（約7.9元）即遇阻，收市升3.1%，報7.54元，該股近日在6.9元至7元水平應打底成功，可趁機買入，上望目標9元，失守6.8元止蝕。
方星俠