何超瓊前晚在澳門《MacauTatler》活動上穿上Valentino灰色晚裝現身，心情靚絕，有問必答，她大讚妹妹何超儀的新片，又指何家沒有風波，更謂若博宣傳的手法奏效，不失是聰明之舉。
滿意現狀
何超瓊近期和俞琤傳出緋聞，她之前講明不會避嫌，前晚她笑着說：「係好朋友。」會否超越好朋友關係？她說：「冇所謂，人生好多唔如意事，如果身邊有人愛護、對你好，就唔係咁緊要，如果有咁多觀點角度，做人會好辛苦。我哋唔係直接係娛樂圈嘅人，唔需要同人交代。我人生好幸運，有好好屋企人，好多好朋友。」俞琤是知己？她即認同說：「難得一個知己。」問她會否超越知己界線？她說：「總之家好滿意，人生難得有一知己，做人唔可以貪心，有已經好好。」