德國突然宣佈禁止沽空嘅消息拖低全球股市，上禮拜美股重挫，好彩禮拜五喺支持位反彈，同日A股亦先跌後升，港股今日應該可以靠穩。
大家要留意今朝A股嘅表現，如果向好，港股有機反彈，不過晏晝官地拍賣，地產商會唔會再蹺埋雙手好受關注，睇嚟港股要喺賣地後嘅走勢先會較明朗。
神華C輪21867：神華（1088）上日報收29.95元，升0.67%。股價雖然喺低位徘徊，但係連續4日企穩，成交增加，短線有機上試31.6元，破位睇33元，可以諗吓隻C輪21867。隻輪現價16.8仙，2010年10月18日到期，行使價35.8元，溢價25.14%，引伸波幅46.38%，有效槓桿率5.88倍，正股見33元，21867睇28.9仙，正股跌穿28.8元就沽咗隻輪。
俊樺