近年香港出生率咁低，好多時屋企只得一個細路，所以個個都會錫到佢燶，但身處其他地方嘅細路就未必有咁幸福，有時睇到非洲、美洲等發展中國家嘅細路，唔單止好瘦弱，生活環境仲好惡劣㖭。見到啲細路咁慘，年初離開港交所（388）嘅周文耀（圖）決定身體力行，加入國際培幼會Plan香港分會董事局，諗住造福兒童。
周文耀話，香港喺60年代都經歷過呢啲艱苦歲月，當年受助嘅香港人家好應該把握機會作出回饋，為Plan出一分力。華華睇番Plan啲資料，原來著名導演張堅庭喺15歲之前都曾經接受過Plan同助養人嘅幫助，唔怪得張堅庭近排都有為Plan幫手宣傳喇。
唔經唔覺，Plan都有73年歷史，佢曾經喺1959至73年為香港萬二個兒童提供援助，家就主要活躍於發展中國家，希望幫佢哋建立長遠同可持續發展嘅能力。
李華華