蝴蝶酥來來去去得一種口味？咁又未必。「曲奇薈」搬到銅鑼灣新舖後，推出了7色蝴蝶酥，反應大好，日賣過百盒，每日未到下午5點已被掃光！7種蝴蝶酥包括原味、季節限定櫻花、玫瑰、薰衣草、朱古力、芝士和桂花，以朱古力味最香濃，配上鬆化餅身，加杯熱茶或咖啡做下午茶已夠滿足。手做曲奇方面，繼茶味曲奇後又有新選擇，包括茶薈和果仁物語兩個系列，各有6種口味，想試行動要快，否則好快又賣晒。
記者：Ron
7色蝴蝶酥$75-$100
每盒有一款味道，櫻花蝴蝶酥每盒$100，其餘6款每盒$75。
茶薈$88
一盒共有綠茶、朱古力、日本咖啡、玫瑰、無花果及燕麥6種口味。
曲奇薈（34813865）
銅鑼灣皇室堡商場地下G15店