惠英紅、譚小環、馬浚偉、蕭正楠及陳百祥昨日於將軍澳電視廣播城出席節目《理財有建地座談會》，馬仔表示自己甚少投資股票及基金，通常都將收入存入銀行，他說：「我只係試過買一次股票，仲係人哋叫我去買話會賺o架，之前都賺咗六位數字就收手喇。」雖然馬仔甚少投資，但他認為買金最為保值，家中更收起不少金條。
「有機會歸本」
惠英紅自言向來有買樓及債券做投資，自己也是雷曼苦主之一，她說：「雷曼嗰度都成四百萬o架，不過我唔係買迷你債券只係債券，因為佢家清緊盤，長久嚟講都有機會歸本，總之一日放喺度一日都仲有機會。」
此外，日前發生車禍的何傲芝原本有份出席，但最終無綫方面表示因其傷勢未癒，故由李靄璣頂上。記者昨日致電何傲芝時，她解釋說：「係呀，本來我淨係做MC就冇問題，但係要玩埋遊戲，我右手郁唔到，所以做唔到。」
採訪：王崇穎
攝影：黃文成