何韻詩及王菀之（Ivana）昨日到太子，於老闆林建岳公司旗下翠峰28樓盤參觀頂層複式示範單位，落足嘴頭宣傳，二人表示一直都希望置業，會否叫老闆畀折頭？Ivana笑言想一折，即被阿詩取笑：「一折不如送畀你。」租樓住的阿詩表示每次參觀完樓盤都想買，但未行動樓價已升，經常呻笨。Ivana則謂已睇樓幾年，阿詩又笑說：「睇樓即係混吉啦。」
毋須在意網友
提到汪明荃（阿姐）被指在節目《荃加福祿壽》唱功差，有網民更成立群組反對她唱歌，二人均曾與阿姐在節目中合唱，她們稱很尊敬阿姐，阿詩力撐說：「阿姐有一日都打嚟問我唱成點，佢唱歌係有自己嘅腔同style，始終有人鍾意有人唔鍾意，由佢囉，最緊要自己開心，家facebook發起得咁兒戲，唔使在意。」阿詩又謂前晚因為錄音，未能到黃偉文的生日派對。
採訪、攝影：溫敏芝