世界盃各參戰國球衣最近先陸續登場，波衫友未消化得晒，各歐洲球會為搵錢，已經「偷步」宣傳下一季波衫，車路士、拜仁甚至已經喺實戰着新波衫示人，車路士算唔錯，但拜仁就太多白色，遠睇以為係奧林比亞高斯。小弟擁護嘅阿仙奴，新一季又會換主場及第一作客球衣，因為來年正值創會125周年，波衫繼之前告別高貝利球場後，又再玩懷舊，仲用番好傳統嘅紅衫白袖，今次又唔慳得，仲要同守丹鬥快，燙查馬克㖭。
主要聯賽煞科，呢個周末除咗歐聯大戰同英冠升班戰，就冇咩睇頭；但冇睇頭唔代表唔好賭，浦和紅鑽日聯盃表現幾對辦，今次作客湘南比馬都捧得過。
牽牛
主客和：浦和紅鑽勝
心得：紅鑽日聯盃未輸過
近5場往績：WLWWW