榮文蔚的表妹鄭詩韻與陳鴻業有子萬事足，二人對現時10周大的囝囝陳熙淳（Ayden）緊張萬分。由鄭詩韻發現有孕，即鎖定月薪過萬元的星級陪月員auntyJacqueline作準備，由產前進補、產後護理到湊BB的技巧都一絲不苟。對着寶貝囝囝鄭詩韻更是不會慳，動輒萬元買下名牌StokkeBB戰車及Polo等名牌BB衫，自小就為寶貝仔Ayden進行高質素的藍血生活教育。
撰文：梁錦雯
鄭詩韻原是工作狂，返工經常廢寢忘餐，自從為夫婿陳鴻業生下B仔陳熙淳後，二人生活180度轉變，事事都以現時10周多大的Ayden為先，擺出一副有子萬事足的模樣，鄭詩韻笑言：「Heistheboss（他是波士），以前自己係去Landmarkshopping，家就去太子大廈買BB嘢。」
老公講BB話仔
6呎高的Alan十分熟練地抱着小小的Ayden，更不時細細聲溫柔對着兒子講BB話，搞笑得來又溫馨，鄭詩韻開玩笑說：「湊BB真係冇捷徑，真係要細心同佢相處，先知佢有乜嘢反應。」兩人原是大細路，學做父母雖有待訓練，但二人愛錫Ayden的方向十分清晰，由物質到照顧其起居生活都十分講究，在身邊長輩指導下，鄭詩韻懷孕不久即識途地以月薪兩萬元，mark下搶手陪月員auntyJacqueline。
鄭詩韻笑說：「自己陀住Ayden好忙，連上育嬰堂都冇時間，加上第一次有BB，屋企上下都會好緊張，大家都會好多拗撬，不過知道好陪月員要好早book定，佢哋好搶手，要book一年一啲都唔出奇，我聽身邊朋友講，佢哋月薪可以去到天價，五、六萬一個月，因為信任程度係無價，自己就係見表姐Yolanda生完BB，搵auntyJacqueline做陪月照顧得BB好好，所以第一時間搵佢。」
分擔工作教識圓滑
現場見auntyJacqueline照顧小主Ayden十分細心，小心翼翼指導鄭詩韻如何抱BB既安全又舒服，鄭詩韻對auntyJacqueline讚不絕口：「佢好細心，唔似一般陪月，好老阿姐嘅做法。第一，佢講求科學化，有護士專業底，唔會一味老人家嗰代湊BB秘方咁做；第二，佢好圓滑，自己陀B時好躁、好、好沮喪，佢以圓滑方法將件事處理得好好，好正面，好似叫我飲湯，會同我講『湯要趁熱飲，換轉其他人，就會講湯凍晒冇益。』佢分擔咗我湊小朋友嘅工作量，喺佢身上學識講嘢圓滑。」
改變生活食住家飯
AuntyJacqueline上門陪月兩個月，鄭詩韻大讚她改革了與Alan的家庭生活，她說：「未生BB時，我同Alan都係成日出街食飯，生完坐月就要留喺屋企食飯，家大家都食得健康，佢又識英文，仲教識工人煮飯，又教識有系統分類一包包中藥。」
攝影：黃文成 場地：四季酒店
萬三戰車遊花園
現時10周大的Ayden遺傳了父親Alan的高大因子，現在已經要穿9個月大尺碼的BB衫，鄭詩韻認為BB物件求實用，不用太名牌，她說：「都係以實用為主，BB大得快，衫仔都係以舒服彈性棉質為主，唔會太貴，多數去Mothercare買。」
Ayden這天出巡數小時，他的隨身行裝有母親於網上訂做、印有Ayden字樣的保暖被仔、一套作後備的Polo名牌BB衫、大量尿片、幾餐份量的奶粉、WinniethePooh奶樽、暖水樽和4個奶嘴，其中投資最大是BB戰車，為價值13,000元的挪威名牌StokkeBB車，是不少星級媽咪的心頭好，包括安琪蓮娜祖莉（AngelinaJolie）、張栢芝、吳君如和徐淑敏等，Alan對此也笑言：「成日會帶Ayden出街，好似去公園佢就好開心，所以架車最緊要，因為車架要紮實，頂篷方向及高度可隨意調校，最緊要可以遮太陽。」Ayden隨身還有外籍傭工照顧，盡顯鄭詩韻與Alan對他的無微不至。
星級陪月侍兒子
有經驗有口碑的陪月員一向是搶手貨，要預早一年book定絕對不為奇，初入職陪月員的收入每天上門工作6小時來計，月薪可達9千元，若留夜24小時全天候照顧，行內有傳酬金可達天價。
擁營養學知識
昔日的陪月，一般都是跟師傅相傳形式入行，現在的陪月員，絕不純是湊BB的簡單工作，以auntyJacqueline為例，她有一對就讀中學的子女，投身做陪月員行業已有5年，仍不斷進修增值，除修讀YWCA陪月證書課程，之後拿了尤德爵士基金獎，曾於HKSPACE修讀有關產前產後營養課程和初生嬰兒急救等課程，同時獲得中國勞動局頒發的育嬰師資格。
對auntyJacqueline鄭詩韻更是讚不絕口：「AuntyJacqueline喺我陀B時就不時同我溝通，幫我調節產前食療如開胃湯水，生咗Ayden後，就會日日到我屋企半日，教識我湊BB要好細心，細緻到奶樽、換片，連棉花棒細節都照顧得到。產後調理由食療薑飯，餵人奶飲乜湯水上奶，循序漸進咁進補等知識，真係殺到埋身先知。」
