惠英紅（圖）、黃秋生同溫碧霞等噚日到九龍灣出席「愛心一蛋」慈善義賣，另外周潤發、劉德華同楊凡導演就捐出珍藏畀善長競投，當中楊凡捐出一幅從未曝光嘅張國榮相片出嚟義賣。惠英紅都捐出親自設計嘅頸鏈拍賣，有善長以兩萬蚊投得，惠紅英話希望攞啲國畫作品出嚟做慈事，佢話：「如果底價冇人要，自己就投番做善事。」