唔少大型商場都開始以世盃為主題搞新意思，部份更標榜到時決賽周來臨時，會直播賽事，等球迷聚集一齊睇波，猶如嘉年華。
當然，球賽唔少得波衫，球衣贊助商專門店已經換晒世界盃嘅佈景，宣傳最新款嘅波衫，而部份樓上波衫舖亦有得印球員名同埋號碼，相信等到各隊最後23人名單出咗後，印字將會更受歡迎。其實小部份波衫舖趁熱潮剛起，就將世盃球衣稍為減價促銷，等球迷們可以更低價錢入手，到時着住心愛波衫睇直播。至於早前換小雲公仔掀起熱潮嘅便利店，最近亦轉咗換着上唔同國家隊球衣嘅公仔，亦有小量世盃精品，好似啤牌咁，自己就有副日韓世盃啤牌到家都唔捨得攞出嚟玩。歐聯決賽喺球季結束前最後高潮位，一於捧國米。
戰鬥員A
讓球：國際米蘭（上）
心得：拜仁缺列貝利蝕章
近5場往績：WWWLL