3色台近排喺深夜時段重播《天地豪情》，真係令我呢啲夜貓好開心，事關呢齣劇仲好睇過千禧年重頭劇《創世紀》，而且卡士超強勁，除咗有我好喜歡嘅羅嘉良同埋黃日華之外，仲有已榮升影帝嘅張家輝。
喺劇中飾演甘量宏嘅張家輝，佢嗰句經典對白「家咩姐啫！」，相信好多人包括我哋體育組嘅仙道彬同守丹，到家仲記得。聽講喺世盃期間，《天地豪情》會播足兩集，放工返到屋企煲完劇，攤唞一陣再睇兩點半開波嘅世盃比賽，真係弗到漏。
今晚歐聯決賽，對賽兩隊拜仁同國米實力旗鼓相當，加上大賽經驗豐富，所以半場好可能和波返更衣室，就要[半和]。我係拜仁粉絲，全場梗係捧拜仁贏啦！
青蛙仔
半場主客和：拜仁慕尼黑[半和]
心得：兩隊近5次交手，4次係半場打和0:0
近5場往績：WLLLL