李怡先生日前喺專欄話「不妨由政府正式舉辦一次有效公投，看看投票率會有多少。相信他們吃了豹子膽都不敢……。」我都睇死政府唔敢，但估唔到煲呔曾膽敢單挑口才頂呱呱嘅民主女神，十足十當晚世盃時段南韓鬥阿根廷，到時我就睇緊波都一定兩台飛。
好多人都話變相公投失敗，但因為政治爭拗引發一場公開辯論，其實對民主發展已產生正面作用。只有儍瓜至會逢政府必反，大家亦唔好睇小煲呔曾，回想佢喺特首選舉論壇同梁大狀單挑，表現比想像中好，今乘勇追擊未必好似南韓對阿根廷咁難打，五五波！歐聯決賽都係五五波，我平生未試過咁認真為國米打氣，關乎意甲未來歐聯席位唔撐唔得。最睇好專喺關鍵時刻入首球嘅伊度奧建首功。
藍鑽石
首名入球：國際米蘭202伊度奧
心得：佢喺巴拿比奴留好多腳毛
近5場往績：WWLLL