周五14/05
玩英甲附福至心靈
連英甲附都賭，只因有直播有得跟到決賽，估中史雲頓，也是福至心靈。
閒贏指數：★★
周六15/05
博大霧中150倍主其他
賭波無必勝，自己與眾名家齊貼中車樸戰出冷，開1:0；其實有睇整場比賽，出冷只因車仔狂中楣柱，與大炒韋根兩回事。香港賭波莊家開盤瓣數唔多，波友更要尋求合理甚至較佳嘅回報，咁樣就算輸也不損士氣，贏則喜出望外；這種感覺延續到午夜收工求其買吓法甲煞科，揀咗3場各買10蚊「其他」波膽博大霧，嘩，中到朗斯贏波爾多4:3嗰「主其他」，150倍，印象中全季自己最冷呢鋪。
閒贏指數：★★★
周日16/05
放長線釣鯨魚
跑日馬，連自己全日重心嘅鯨魚也無心加注，尤其係仲有注老樸[+2]過緊關落嚟，臨場只係買多一百幾十；嘩，輸到畀鹿角1:4。長線睇，貼鯨魚封王仍不變，但係今季聯賽4敗全負有實力球隊，似乎欺善怕惡，大家宜備忘。貼輸波，但係中到個柏雷素爾「主其他」40倍波膽，可惜射唔中飛腳嗰「客其他」；呢排賭波膽好旺，夜晚收工博吓有多寶嘅西甲巴塞皇馬孖膽，估到皇馬唔贏都中唔到，惟有戥人高興收幾萬喇！
閒贏指數：★★
周一17/05
查仔串AIK大豐收
去到有英國波主打，乜嘢級別都落足心機刨波下注，今次貼中查仔贏番次2:1不特止，冇嘢好串，跟牽牛博瑞超AIK反底，臨完場前連入兩粒開到4:1有35倍，今晚條波膽過關50蚊下注，大豐收咯。
閒贏指數：★★★★
周二18/05
事後孔明該補注[-1]
接連英甲附直播主打，噚晚查仔落飛得手，今次牌面米禾爾級數更高，落飛更勁，主W落到得1.6倍；加上我跨日過緊關，冇興趣加注咯，結果淨勝兩粒，開W唔開入球「大」。其實呢個情況，有賠率下次應該補多條[-1]，今日贏唔到錢。
閒贏指數：★★★
周三19/05
風雨交加贏馬輸波
牛哥重注叫大家買西維爾，我小注作對貼馬體會，全日大風大雨，夜晚頂唔住中招卧在床上，好彩暈低前識得買番啲又排外檔嘅「金碧亮馬」，W12倍；波，早瞓買幾十蚊輸咗。
閒贏指數：★★★
周四20/05
早飛學生隊射國米
全部波喺翌日晨早打，見眾名家捧學生隊，信多少射落國米先。
閒贏指數：★
值得跟進球隊：米禾爾（踢英甲稍超）、
鯨魚（日聯停戰，唔使追）