林莉由港姐轉型為模特兒後，憑谷胸突圍而出，前晚她到尖沙嘴出席雜誌活動，繼續穿露肩晚裝谷胸出位，更不時用手抽裙頭，輕易成為風頭躉。同場的許志安獲頒「Star」及「Smart」獎，為搶風頭他竟自稱其女友獨愛他的鹹濕本性。
林莉、許志安、蘇永康、謝婷婷、薛凱琪及周麗淇等，前晚在尖沙嘴出席雜誌頒獎禮，林莉穿上紅色露肩裝示人，例牌谷胸成功搶鏡，同樣穿低胸晚裝的亞姐姚佳雯也被比下去，難怪合照後姚佳雯即無癮彈開。
薛凱琪唔認拍拖
安仔在頒獎禮上獲頒「Smart」及「Star」獎，他表示歌曲獎得過不少，但這類獎項則是第一次，問到他是否覺得自己星味十足？他笑說：「血糖指數有幾多我就可以答到你，不過每個男人都有自己味道，但女仔多數都鍾意內涵。」女友喜歡安仔哪一方面的長處？他鬼馬地笑說：「佢鍾意我鹹囉，講笑咋。」
提到安仔舊愛鄭秀文（Sammi）寧接受馬時亨的節目訪問，也未有亮相他的《Big4大四喜》，安仔坦言：「我哋都有諗過請Sammi，但個節目唔係我自己一個，要其他人都通過先得。」問到是誰否決請Sammi，他則聲稱當日仍在考慮階段。
薛凱琪早前與舞台劇演員湯駿業結伴看杜麗莎演唱會，似是向舊愛房祖名示威，她前晚強調與湯駿業是好朋友，絕無發展可能，她說：「我冇拍拖好耐，亦都冇識男仔，我好多年冇拍拖，我都想有男朋友，不過之前太多緋聞，如果我搵到個好嘅先會公開。」稍後薛凱琪要跟祖名一起宣傳新戲《分手說愛你》，她聲言不會尷尬。
林莉拍電視廣告
此外，林莉早前為美容公司拍攝首個電視廣告，分別以婚紗及睡衣look示人，不過同樣谷胸上陣，廣告昨晚首播，製作費高達七位數字。
採訪：王崇穎
攝影：陳俊強