無綫節目《東張西望》主持何傲芝，前日凌晨駕駛紅色MINICooper時，在觀塘繞道發生翻車意外，其後她自行到將軍澳醫院求醫，何傲芝雙親和妹妹何傲兒前晚先後到醫院探望，何傲兒稱胞姊前晚要進行手術，清除手腳傷口內的玻璃碎。
展示炒車傷痕
何傲芝昨日低調出院，她在電話訪問中談及意外發生時猶有餘悸說：「當時天雨路滑，我一轉彎架車個軚盤就不受控制，我當時好驚，雙手撐車頂保護自己，一翻車我就自己爬出嚟，後面跟住我車尾嘅朋友見到我流血，就立即送我去醫院。」手術後的何傲芝說：「右手手踭嘅傷口有5毫子咁大，雙腳膝頭有傷口，嘴角又瘀晒，醫生話大約兩星期會好番。」據悉她今日會出席無綫宣傳活動。
肇事汽車原來並非何傲芝所有，車主是33歲的補習天王林溥來（Patrick），何傲芝否認二人是情侶關係，她說：「我同Patrick識咗7年，係朋友啫，有時爹哋用咗架車，我會問Patrick借車。」何傲芝表示車禍令她留下陰影，未來一年都會選擇做乘客。此外，何傲芝接受《東張西望》電話訪問時表示，現時左手也隱隱作痛，可能要再做手術。
採訪：比華利