庇理羅士女子中學吳美蘭老師舉牌質問政務司司長唐英年，即時成為街知巷聞名師，網民對佢愛戴程度直線上升，facebook撐吳老師個群組，已經有近三萬人加入。
另一人氣討論區高登，有網民更發現原來庇理羅士命中注定要名揚互聯網，皆因校訓ClimbHighSeeWide，中文「登高見博」，倒轉正是「博見高登」，仲唔係早有預言？
不過有網民就比較烏龍，網上留言盛讚庇理羅士確有名校風範，學生固之然出類拔萃，連老師都咁有態度，堪稱模範老師，話打算幫自己個仔轉校，入讀呢間正氣學校咁話，不過，隨即有網民指正佢，庇理羅士係女校嚟o架！