鮑起靜噚日喺大埔亞視總台出席《環保植樹日》活動，佢話自己屋企好少種植物，因為佢係嗰啲種乜都會死嘅人，但如果要佢揀喜愛嘅植物，佢會鍾意碩大嘅樹多過花，佢話樹木俾人嘅感覺好硬淨、好堅強，仲講笑話下世佢想做一棵樹喎！問到鮑姐幾時再拍戲，佢就話：「家等緊人搵，電影對我哋呢啲年紀嚟講係甜品，有得參與已經好開心！」