無綫劇集《天天天睛》昨日在電視城開鏡拜神，黎耀祥、毛舜筠、李司祺和王喜等演員均有出席，祥仔和毛姐今次在劇中再續《畢打自己人》的感情線，不過因祥仔要趕拍《巾幗梟雄2》，所以要同時拍兩組戲，他說：「我家主力先拍《巾幗2》，所以呢部劇暫時唔會安排太多，我都好希望可以快啲拍完，因為拍處境劇嘅感覺好似沐浴愛河咁輕鬆。」毛姐表示今次是她最後一次拍電視劇，她說：「拍完呢部劇之後，我會主力拍電影同照顧屋企，我仲希望喺電影度揀啲想做嘅角色。」
王喜了解志雲
此外，對於有指陳志雲將會過檔商台，愛將王喜對此說：「呢啲嘢你哋問番商台，我知嘅嘢同你哋一樣。」至於陳志雲的近況，王喜說：「佢好好呀，佢每日都跟足時間表嘅工作去做嘢，遲啲又會去以色列行苦路，但係我哋道不同，所以佢會同啲教友一齊去。」
採訪、攝影：何慧斯