電影《如夢》喺今屆台灣金馬獎有好多項提名，吳彥祖話雖然攞唔到獎都已經好滿足，佢話最難忘係有場7分鐘嘅獨白，講自己慘痛嘅經歷，佢話：「以前拍呢類慘情戲都會想吓自己死咗嘅狗，或者父母病咗嘅經歷嚟幫自己入戲，今次完全唔使。」對於有人話佢戲裏面嘅造形同哈利波特好似，佢就講笑話戲裏面個角色都好自閉，同樂觀嘅哈利一啲都唔似。