馬浚偉同郭羨妮日前為新劇《隔離七日情》拍一場酒店失火嘅戲，佢哋仲自己上陣出入火場，英雄救美嘅馬仔仲因為咁燒親自己隻左手，佢話：「劇中有好多危險鏡頭，但我就唔擔心安全問題，雖然拍嘅時候左手被火燒着，但我事前已搽咗防火膠，所以只係感覺熱熱哋，我完全都冇驚過，郭羨妮都好勇敢，啲戲服仲好性感，佢先至真正惹火。」