陳冠希胞姊陳見飛和Rosemary，不時歷經情傷，一失戀就暴肥激瘦，大起大落。陳見飛今年年頭和佛教徒的familyfriend，由朋友變戀人，更指拍拖禁慾好辛苦，她前晚透露準備兩年內結婚，男友更已過了家長關，又得細佬陳冠希歡心，終於嫁人有望。
日本化妝品牌植村秀（ShuUemura）前晚在灣仔舉行彩妝活動，原定出席的何超雲，因遇上澳門大雨失場，陳冠希胞姊陳見飛、女模JessicaC.和CaraG.等戴上奇特的睫毛示人，同場更有性感谷事業線的李蘢怡（Tiffany）、純白孖公仔出現的o靚模陳嘉寶和蔡穎恩（Evelyn）等。
喜獲細佬認同
過去經常為情消瘦暴肥的陳見飛，前晚見她精神飽滿，她透露剛在加拿大參加友人婚禮回港，更自爆婚期不遠，她說：「就快喇，呢一兩年，因為覺得佢係Mr.Right，我33歲，同佢只係差一年，以往嘅就差好多歲。」她指男友比較文靜及思想成熟，更成功過到家人及細佬關。
陳見飛開心說：「屋企人見過晒，佢哋都話咁多個最好係呢個。佢成日同細佬（Edison）用Blackberry傾偈，我之前嘅男友，細佬都唔鍾意，家佢哋都幾好傾。」陳見飛計劃兩年內結婚，但其實她和現任familyfriend變成的男友，只是拍拖幾個月。
Evelyn日前被本報拍到和樂隊Mr.鼓手Tom在土瓜灣唐樓同居，她前晚死口否認說：「嚇親我屋企人，Tom搬新屋，成班朋友去慶祝佢新居入伙咋。」
Evelyn否認同居
問到是否不敢同居？Evelyn說：「梗係唔會啦，仲未係時候，我屋企好嚴。」過夜都不准？她說：「唔准，我媽咪有教要留番多啲驚喜畀男朋友。」但轉頭又否認拍拖，只認朋友關係。
採訪：RitaLeung
攝影：ChenWaiOn
