德國大整蠱，突然話唔畀冇貨沽空歐盟國債、CDS同埋10間銀行嘅股票，搞到金融市場立立亂，港股前日反彈嘅勢頭幾好，不過都要掉頭跌365點，成交唔夠600億。如果美股噚晚靠穩，恒指可企定。
歐元跌勢未止，歐洲嘅拆息扯高，要留意歐洲資金會唔會喺亞洲沽資產套現班資回朝救命。
潤地C輪22401：華潤置地（1109）昨平收14.04元，曾經見過14.46元，算係幾強，股價連續第2日企喺20日線樓上，成交增，短線睇15.6元，破位睇16.7元，可以諗吓隻C輪22401。隻輪現價18.1仙，2010年12月30日到期，行使價15.5元，溢價23.29%，引伸波幅55.92%，有效槓桿率3.77倍，正股見16.7元，22401睇32.7仙，正股跌穿13.2元就沽咗隻輪。
俊樺