立法會政改方案小組委員會星期六舉行公開聽證會，當日朝九晚五點半開會，共有102個人士或團體報名要發表意見。
保皇黨發動唔少友好撐場，八方發現有個「蛇宴同鄉會」（SnakeBanquetAssociation）都有份。
搞蛇宴乃係香港主要政治活動，係公民教育重要元素，同公投呢啲反面教材比較，透過食蛇認識民主真諦，真係高層次好多。
另一個出席聽證會團體「媚共政客監察組」顯然係衝着普選聯而來，事關保皇黨一向舔共，媚共層次太低。崇正中學校監黎錦文都有去信立法會表態支持政改方案，校監代表學校撐政改，莫非係崇正校內公投結果？