食過翻尋味的Rainbow（胡心諾）為搶攻宅男荷包，與五師妹組成Donuto靚模團早前到菲律賓宿霧拍攝噴血寫真集《SummerDiary》，六女以人肉熱浪搶灘，該寫真將於下月初率先推出。
Donut六女同樣青春可愛，但各有賣點，Sweet（何嘉兒）17歲卜卜脆、33E的「河南劉心悠」Caroline（朱裕琳）事業線深長、「豹皮蔡依林」ArYu（曾寶玲）谷爆胸晒32D，博到盡賣肉的則有大師姐Rainbow、33B的Vilian（劉瑋欣）及35C的Irene（許麗燕）。
共浴嬉水驗胸
Rainbow昨日在電話中自言旅程中眼福不淺，因大家趕時間更衣沐浴，經常共用浴室，其間她射哩眼看盡師妹全相，她說：「我睇晒佢哋，個個身形都好好，我好羨慕ArYu咁瘦但個胸又OK，身形成個葫蘆咁，Caroline就好S身形。」又笑言幾姊妹冲凉時邊嬉水邊互相驗胸，證明大家絕對冇打假波。
Vilian透露因怕拍照時身上留有胸圍痕，出鏡不好看，故眾女晚上均真空瞓覺，非常香艷。提到若寫真集大賣10,000本，她說：「我哋會去沙灘開比堅尼派對，又或者拉大隊同fans浸泡泡浴。」
採訪：比華利
