政府推出電視廣告軟銷政改方案，新廣告出街不足24小時，已經有好多變奏版政「改」廣告，有人好眼利，發現名為「信任讓夢想成真」嘅廣告有問題，少女畫嘅晚裝草圖，係一條紅紫色短裙，點知媽媽做出嚟，卻係深紫色吊帶裙，意味政府個政改方案同市民心目中理想好唔同，既然貨不對辦，如何支持？
市民對廣告好多意見，有人指透過母女故事講政改，反映政府家長心態唔肯聽市民意見，民主黨張文光認為政府廣告太花巧冇乜實質內容，好似當市民係細路女，佢話相信唔會有乜人睇完個廣告就轉軚支持政改方案，好似化妝品廣告，「你估消費者真係信咩！」