楊千嬅昨日和張繼聰到尖沙嘴為皮鞋品牌Clarks的香港旗艦店剪綵，大會即場送上一對鞋給千嬅，她搞笑地說：「丁字鞋，我鍾意呀。」間接向老公丁子高示愛，恩愛到暈。問到是否對「丁」情有獨鍾？她直認說：「係呀，有taste呀。」千嬅又有揀男裝鞋給老公，但她表示為老公買衣物時經常買錯尺碼，她說：「我試過買件恤衫畀佢，但個領位好細，老公寸我係咪買畀佢吊頸。」
丁子高想生仔
至於丁子高有否買內衣送給她？千嬅說：「呢啲一定係自己買，買大咗或細咗我都會嬲，細咗即係睇小我，買大咗即係寸我。」丁子高坦言羨慕謝霆鋒三年抱兩，千嬅表示老人家指BB小器，若食糊才公告天下，她笑說：「叫糊未？牌都未洗點叫呀。」另外，丁子高昨日到尖沙嘴出席活動，他透露把霆鋒二少爺Quintus的相片給千嬅看，至於兩人想生仔或女，丁子高說：「想生仔，唔使擔心咁多，因為女仔怕蝕底。霆鋒同栢芝正正得正，我同千嬅係正負得正。」他又表示不擔心老婆做高齡產婦。
採訪、攝影：梁錦雯、張俊銘