曾志偉昨日到赤鱲角出席活動時，對於崔建邦涉打女友鄺敏慧獲撤銷控罪時，他高興地說：「我一向覺得冇事，我對阿邦好信任，呢五個月對佢人生係好大教訓，人生有挫折先更上一層樓，唔係樣樣都順利，佢會明白條路點行。」
無望重返《勁歌》
問志偉會否幫口讓崔建邦在無綫復工？他說：「我一路等緊同佢合作，佢係好有潛質嘅後輩，希望佢努力啲。」提到中巴上庭旁聽眼濕濕？志偉寸她說：「有少少奇怪，但不予置評。」
至於無綫外事部總監曾醒明就崔建邦一事，昨日於電視廣播城接受訪問時說：「呢件事告一段落，佢（崔建邦）應該釋懷，今次經一事長一智，佢會記取呢次教訓、更加珍惜自己。」記者追問曾醒明關於崔建邦何時復工事宜，曾醒明表示如果有合適工作會作出安排，他說：「原先《勁歌金曲》已經安排咗新主持（歐陽靖），所以唔會再有變動。」
採訪、攝影：溫敏芝、楊潔雯